ni ppinoy
Ay naku Joan, gastos na naman yan ha!” sagot ng nanay niya ng ipagbigay paalam niya dito ang tungkol sa pagkakapili sa kanya bilang kalahok sa gaganaping parada sa kanilang iskuwela para sa pagdiriwang ng United Nations Day. Siya ang pinili ng mga guro bilang Miss USA, dala na rin ng pagiging mestisa niya. Namana niya sa kanyang Amerikanong ama ang tangkad at kaputian nito, pero sa nanay niya galing ang kagandahan niya.
“Nay naman,” sagot niya.
“Hay naku! Dun ka humingi sa ate mo! Wala akong ipang-gagastos para dyan sa kailangan mo. Sige na!”
Nakasimangot na lumabas ng bahay si Joan upang pumasok sa iskuwela. Pero alam niyang makukuha din niya ang gusto niya. Isang tawag lang niya sa ama niyang nasa States at siguradong makakabili siya ng bagong gown na isusuot niya para sa parada.
Pagdating sa iskuwela, hindi na niya pinansin ang mga lalaking nakatitig sa kanya. Sanay na siya sa mga ito, at alam niyang maraming may crush sa kanya dito. Pero karamihan naman sa mga ito ay torpe, at ang ilang naglakas-loob na pumorma ay mabilis na nakatikim ng pagkabokya sa dalaga. Tinatawanan lang niya ang mga ito. Naalala pa niya nuong bata-bata
…